Amsterdam aeroportidagi samolyotning shassi (g‘ildirakli qismi) bo‘lmasida o‘spirin jasadi topildi. U yaqinda Norvegiyada yo‘qolgan 17 yoshli yigitga tegishli murda deb taxmin qilinmoqda. Bu haqda Vesti.ru xabar berdi.
Jasadni Gollandiya chegarachilari topib olishgan. U aynan o‘sha yo‘qolib qolgan yigit ekanligi aniq emas, biroq jasadning tavsifi va uning yonidan chiqqan buyumlar shunga ishora qilmoqda. Norvegiya politsiyasi yigitning ota-onasi bilan bog‘lanib, bu haqda xabar bergan.
O‘spirin boshqa mamlakatga chiptasiz uchmoqchi bo‘lgani, biroq nafasi qaytib halok bo‘lgani taxmin qilinmoqda.
Ma’lum bo‘lishicha, jasad topilgan KLM aviakompaniyasi samolyoti Norvegiyaning Sandefyord-Torp aeroportidan 5-iyun kuni ertalab uchib ketgan. Aviakompaniya vakillari ham hodisa haqidagi ma’lumotni tasdiqladi, biroq batafsil izoh berishdan bosh tortdi.
Izoh (0)