The Wall Street Journal хабар беришича, Америка мудофаа вазирлигининг конгресс учун тайёрланадиган йиллик ҳисоботида ХХР ҳарбий харажатларининг ошиши натижасида Пекин ўз таъсир доирасини кенгайтириб, дунё аренасида АҚШ рақобатчисига айланиши мумкинлиги таъкидланди.
Ҳужжат муаллифларининг қайд этишича, Хитой кўзга ташланмайдиган қирувчи самолётлар, киберқуроллар, учувчисиз самолётлар ишлаб чиқишга, шунингдек ҳарбий-денгиз флотини ривожлантиришга миллиардлаб доллар сарфлаётган бир пайтда Вашингтоннинг ҳарбий харажатлари камайиб бормоқда.
Пентагон ҳисоб-китобларига кўра, 2013 йилда Хитой ҳукумати ҳарбий дастурлар учун 145 миллиард доллар ажратган. АҚШ мудофаа харажатлари эса шу йили 580 миллиард долларга тенг бўлган. Ҳарбий харажатлар қисқаришига қарамай, Вашингтон ушбу соҳада ҳар қандай бошқа давлатдан, жумладан ХХРдан кўра кўпроқ харж қилади, дейилади ҳужжатда.
Изоҳ (0)