Рим папаси Франциск эр-хотинларни уй ҳайвонлари ўрнига фарзандли бўлишга чақирди. The Huffington Post газетаси хабар беришича, Ватикандаги ибодат вақтида понтифик ўз роҳатлари бузилишидан қўрқиб, бола кўришни истамайдиган оилаларни кескин танқид қилди.
«Сиз хоҳлаган вақтингизда дунё бўйлаб саёҳат қила оласиз, таътилга чиқа оласиз, қишлоқ жойда вилла сотиб ололасиз, ташвишсиз ҳаёт кечира оласиз. Албатта, ит ва мушук боқиб, уларга меҳр бериш анча осон. Бироқ қачондир кексаясиз ва ёлғизланиб қоласиз», — деди Франсиск.
Яқинда демографик вазият ҳақида маълумотлар эълон қилинди. Унга кўра, АҚШ ва Европада туғилиш даражаси тушиб бормоқда. Италияда ўтган йили ушбу кўрсаткич энг паст даражага етиб, 515 минг кишини ташкил қилди.
Изоҳ (0)