Чили миллий боғидаги музликда 46 та динозавр қолдиқлари топилди

Чилида музликлар орасида динозавр мурдаларидан иборат йирик мозор топилди. Бу ҳақда Табиат тарихи миллий музейи олими Кристиан Саласар маълум қилди, дея хабар берди «ИТАР-ТАСС».

Топилма мамлакат жанубидаги «Торрес-дел-Пайне» миллий боғи ҳудудида аниқланди. У ерда 46 нусхадаги ихтиозаврлар топилган бўлиб, уларнинг қолдиқлари бизгача яхши сақланган. «Улардан бири иккита эмбрионга эга, бу эса топилмаларнинг деярли ноёб эканидан далолат беради», — деди Саласар.

Бундан ташқари, ушбу ихтиозаврлар мозори бугунгача маълум бўлганлари орасида энг катталаридан бирилиги таъкидланди.

Шунингдек, олимлар йиртқичларнинг тарихгача бўлган турларига тегишли қолдиқларни ҳам топишди.

Ихтиозаврлар — динозаврлар давридаги энг йирик денгиз судралиб юрувчилари. Улар бундан тахминан 99 миллион йил аввал қирилиб кетган.