АҚШ президенти Барак Обама НАТОга аъзо Шарқий Европа мамлакатларига ҳарбий ёрдамни кўпайтиришга ваъда берди. Унинг ҳажми 1 миллиард долларгача етиши мумкин. Бу ҳақда Euronews хабар берди.
Айни пайтда Польшада бўлган АҚШ етакчиси қўшимча ҳарбий қисмлар киритиш эҳтиёжи ҳақида ҳам гапирди. У ердаги учрашувда Украинадаги танглик, уни ҳал этиш йўллари, Европадаги иттифоқдошларни хавфсизлик билан таъминлаш масалалари муҳокама қилинди.
Обама Путин билан иш юзасидан доимо алоқада бўлиб турганини, танглик давомида у билан телефон орқали суҳбатлашиб, жамоатчиликка эълон қилган фикрларини у билан ҳам очиқдан-очиқ бўлишганини айтди. «Биз Россия билан яхши алоқалар ўрнатишдан манфаатдормиз, унга таҳдид қилишдан бизга ҳам фойда йўқ», — деди у.
Президент, шунингдек АҚШ «Украинани демократияга эришиш йўлида қўллаб-қувватлаб туришда давом этиши»ни билдирди.
Изоҳ (0)