Жанубий Корея президенти Пак Кин Хе «Севоль» пароми ҳалокати учун масъулиятни ўз бўйнига олди. У, шунингдек, миллий қирғоқ қўриқлов хизмати тугатилишини маълум қилди. Бу ҳақда Gazeta.ru хабар берди.
«Жанубий Корея аҳолиси ҳаёти ва хавфсизлиги учун масъул бўлган мамлакат президенти сифатида одамларга етган барча азоблар учун узр сўрайман», — деди Пак Кин Хе.
Унинг таъкидлашича, қирғоқ қўриқлов хизмати ҳалокат бўйича зудлик билан чора-тадбирлар олиб бориш операциясини бажара олмаган. «Анча кўп одамларни қутқариш мумкин эди», — деди у.
Энди денгиз қатнови устидан назорат қайтадан тузилган миллий хавфсизлик вазирлигига ўтказилади.
«Севоль» пароми 16 апрель куни Жанубий Корея қирғоқлари яқинида ҳалокатга учраган эди. Кема бортида 476 нафар йўловчи бўлган. Бор-йўғи 172 киши қутқарилган. 286 нафар йўловчи ва экипаж аъзоларининг жасадлари топилган.
Изоҳ (0)