Қонун билан Ўзбекистоннинг Сув кодекси тасдиқланди. Бу ҳақда Адлия вазирлиги хабар берди.
Унда айтилишича, кодекс сув, сув объектлари, сув хўжалиги объектлари ва сув фонди ерларидан оқилона фойдаланиш ҳамда уларни муҳофаза қилиш соҳасидаги муносабатларни тартибга солади. Кодексга кўра, сув умуммиллий бойликдир, ундан оқилона фойдаланиш лозим ва у давлат томонидан муҳофаза қилинади.
Сувдан фойдаланиш умумий ва махсус фойдаланишга бўлинади. Сув объектларининг тоифалари жумласига қуйидагилар киради:
- Ўзбекистоннинг ер усти ва ер ости сув объектлари;
- Ўзбекистонда жойлашган ва унинг ҳудудини кесиб ўтадиган трансчегаравий ер усти ва ер ости сув объектлари.
Сув объектлари танҳо ёки биргаликда фойдаланишда бўлиши мумкин. Сув ресурсларини бошқаришда қарорлар қабул қилиш мақсадида республика ва ҳавзалар, зарур ҳолларда ҳудудлар даражасида коллегиал-маслаҳат органи шаклида сув кенгашлари ташкил этилади.
Бундан ташқари, Вазирлар Маҳкамаси ҳузурида Республика сув кенгаши ташкил этилади. Қонун расмий эълон қилинган кундан 3 ой ўтгач кучга киради.
Тошкент вилояти Бўстонлиқ туманидаги Чорвоқ сув омбори бўйида озарбайжонлик тадбиркор Эмин Агаларов томонидан Sea Breeze Uzbekistan сайёҳлик мажмуаси қурилиши кутилмоқда. Бу жамоатчилик орасида кенг эътирозларга сабаб бўлмоқда. Экология вазири Азиз Абдуҳакимов 23 июль куни Тошкент шаҳрида ўтказилган матбуот анжуманида лойиҳа ҳужжатлари ҳали ҳукуматга тақдим этилмаганини билдириб, “Йўқ дейишдан олдин таклифини кўрайлик”, деб айтди. Азиз Абдуҳакимов лойиҳа ҳужжатлари тақдим этилгач, мажмуа қурилиши масаласи жамоатчилик муҳокамасига қўйилишига ваъда берди.
Чорвоқ сув омборига “Маргимуш қабристони”дан заҳарли чиқиндилар тушиши мумкинлиги рад этилди.
Изоҳ (0)