Париж Олимпиадаси чемпиони ва Жаҳон чемпионати совриндори бўлган боксчи Лазизбек Муллажонов анти-допинг қоидаларини бузганликда гумон қилинмоқда. Халқаро тест агентлиги берган маълумотга кўра, Муллажоновдан олинган намунада метастерон метаболитлари аниқланган.
Муллажоновнинг мураббийи Алишер Тўйчиэв Olamsport.com журналисти Азиз Тўхтамуродов билан суҳбатда бу хабарни тасдиқлади ва вазият юзасидан қуйидагича изоҳ берди:
Бу хабарлар рост. Аммо апрель ойида топширилган допинг тести натижаси мусбат чиққанди, яъни тоза эди. Июнь ойидаги таҳлилда эса тақиқланган модда аниқланган. Лазизбек ўтган йилнинг ноябрида соч эктириш муолажасини ўтказган ва айнан ўша вақтда мазкур модда организмига тушган бўлиши мумкин. У қабул қилган дорилар ҳақида барча маълумотларни тегишли ташкилотларга тақдим этганмиз, — деди Алишер Тўйчиэв.
Маълумот учун, оғир вазн тоифасида (+92) рингга чиқадиган Лазизбек Муллажонов 2024 йил Парижда бўлиб ўтган ёзги Олимпиада ўйинларида олтин медални қўлга киритган. Шунингдек, у бокс бўйича Осиё чемпионати ғолиби ҳам ҳисобланади. Муллажонов 2023 йилги Жаҳон чемпионати бронза медали совриндори бўлган.
Изоҳ (0)