Ҳиндистон бош вазири Манмохан Сингх мамлакатдаги сайловларда мухолифатнинг «Бхарата жаната парти» партияси ғолиб чиққанини тан олди ва истеъфо сўраб ариза берди. Бу ҳақда «ИТАР-ТАСС» хабар берди.
Аввалроқ у Ҳиндистоннинг «буюк халқига ўз ҳукмронлиги даврида қўлидан келган барча нарсани қилишга ҳаракат қилгани»ни таъкидлаб баёнот берган эди.
Ҳинд миллий конгресси партияси раҳбарлигида Ҳиндистондаги ҳукмрон Бирлашган прогрессив альянс 543 сайлов округларининг фақат 59 тасида ғалаба қозониб, сайловларда ютқазди. «Бхарата жаната парти» эса 283 та округда ғолиб бўлиб, тарихдаги энг йирик ғалабани қўлга киритди. Энди у ҳукуматни мустақил равишда шакллантира оладиган 30 йил ичида биринчи партияга айланади.
Сўнгги марта бир партиянинг ўзи 1984 йилдаги сайловда кўпчилик овозга эга бўлган. Ўшанда бош вазир Индира Ганди ўлимидан сўнг, Ҳинд миллий конгресси 400 дан ортиқ ўринга эга бўлган.
Изоҳ (0)