Рус-исроиллик ёзувчи Дина Рубинанинг бадиий кечаси шу йилнинг 10 октябрь куни Тошкентдаги “Туркистон” саройида бўлиб ўтиши керак эди. Бироқ ҳозирда мазкур кеча учун чиқарилган чипталарнинг iTicket.uz’даги онлайн савдолари тўхтатилган. Эълонлар олиб ташланган.
Бунга Дина Рубинанинг “Дожд” телеканалидаги интервьюси сабаб бўлгани айтилмоқда. Телеканал журналисти Михаил Козиревнинг сўзларига кўра, Рубина гўёки Исроил “Ғазонинг барча аҳолисини кислотада эритиб юборишга ҳақли” деган.
Бу иборалар эфирга узатилган интервьюдан қирқилган, лекин кейинчалик алоҳида эълон қилинди ва кескин реакцияга сабаб бўлди.
Рубина унинг сўзлари контекстдан юлиб олинганини айтди. Кейинчалик Михаил Козирев телеканал номидан узр сўради. Интервьюнинг тўлиқ версияси эълон қилинмаган. “Дожд” телеканали эса вазиятга изоҳ бермаган.
Маълумот учун, ёзувчи Дина Рубина 1953 йил Тошкентда туғилган. Дина 1990 йилдан буён Исроилда яшайди.
Изоҳ (0)