Навоий вилоятининг Нурота туманида 2014 йилнинг ўтган даврида 300 дан ортиқ кичик бизнес ва хусусий тадбиркорлик субъекти иш бошлади. «Нурота гўшт» хусусий корхонаси шулардан бири, деб хабар бермоқда ЎзА.
– Ўзбекистон ташқи иқтисодий фаолият миллий банкининг Навоий филиалидан олинган 120 миллион сўмлик кредит маблағи эвазига замонавий ускуналар харид қилдик, – дейди «Нурота гўшт» корхонаси раҳбари Солибой Бўстонов. – Натижада тўрт нафар коллеж битирувчиси ҳамда ишсиз юрган шунча фуқаронинг бандлиги таъминланди. Ўн хилга яқин дудланган ва дудланмаган колбаса маҳсулотлари ишлаб чиқаришни йўлга қўйдик.
Бу ерда тайёрланаётган маҳсулотларнинг бир қисми буюртма асосида тумандаги корхона ва ташкилотларга етказиб берилаётган бўлса, қолгани савдо дўконлари орқали сотилмоқда.
Айни пайтда корхона таркибида чорвачиликни ривожлантириш, чучвара ишлаб чиқариш цехини қуриш чоралари кўрилмоқда. Бу ишларнинг амалга оширилиши яна ўнга яқин янги иш ўрни яратиш имконини беради.
Изоҳ (0)