Ўзбекистондаги миллий алоқа оператори «Ўзбектелеком» АК май ойида GSM-900-1800 стандартидаги уяли тармоғини яратиш учун ускуна етказиб бериш бўйича илк тендерларни эълон қилади. Бу ҳақда «Новый век» хабар берди.
Тендерлар Uzmobile филиали базасида миллий мобил алоқа оператори яратиш доирасида ўтказилади.
Апрель охиригача лойиҳанинг техник-иқтисодий асоси тайёр бўлади ва молиялаштириш манбалари аниқланади.
Бундан аввал 2018 йилгача «Ўзбектелеком» акциядорлик компаниясининг Uzmobile филиали негизида миллий мобил алоқа оператори ташкил этиши хабар берилган эди.
Миллий оператор тармоғини ташкил этиш бўйича чора-тадбирлар жадвалида 2014 йил мобайнида 1020 таянч станциялари, радиореле жиҳозининг 500 комплекти, ҳамда 2 миллион рақамга мўлжалланган коммутация станцияси ва биллинг тизимини ўрнатиш орқали уяли алоқа билан Тошкент шаҳрини қоплаш кўзда тутилган.
2015 йилда миллий оператор тармоғи билан барча вилоятлар марказлари, 2017 йил давомида эса республиканинг барча аҳоли пуктларини қоплаш режалаштирилган.
Изоҳ (0)