ЎзЛиДеП Сиёсий Кенгаши Ижроия қўмитаси «Ёшлар қаноти» ва «Маҳалла» хайрия жамоат фонди томонидан «Маҳалла халқ виждони - тадбиркорлик юрт ривожи» шиори остида«Ёшларни кичик бизнес ва хусусий тадбиркорлик фаолиятига жалб этиш ва қулай муҳит яратишдаги ҳамкорлик масалалари» мавзусида бизнес форумўтказилди. Бу ҳақда партия матбуот хизмати хабар берди.
Анжуманда партиянинг «Ёшлар қаноти» томонидан амалга оширилаётган «Агар мен депутат бўлсам», «Ёш олимлар ва катта илмий ходим-изланувчилар», «Ишбилармон талаба», «Парламентда менинг ўрним» ҳамда«Диплом билан бизнесга»кабилойиҳалари хусусида ҳам тўхталиб ўтилди. Жумладан, ЎзЛиДеП томонидан 2010 йилдан буён Ўзбекистон Республика Марказий банки билан ҳамкорликда «Диплом билан бизнесга» лойиҳаси ўтказиб келинмоқда.
Мазкур лойиҳа доирасида ўтган давр мобайнида 2800 нафардан ортиқ битирувчи талабалар ўз бизнесини йўлга қўйиб, қарийб 13 миллиард сўмлик кредит олинди ва 6000 дан ортиқ янги иш ўрни яратилди.
Шунингдек, 2012 йилда «Ишбилармон талаба» стипендия кўрик-танловида қатнашган 28 нафар иқтидорли ўқувчига ЎзЛиДеП стипендиялари топширилган бўлса, 2013 йилда ана шундай стипендиялар 38 та ғолиб талабага берилди. Ҳозирда ЎзЛиДеП стипендиатларининг умумий сони 248 нафарга етган.
Изоҳ (0)