Ўзбекистон Республикаси Вазирлар Маҳкамасининг 2014 йил 9 апрелдаги Қарори билан Шўртан ва Олон газ конларида қолган углеводород захираларини максимал даражада ўзлаштириш ҳисобига табиий газ ишлаб чиқариш ҳажмини ошириш мақсадида 2 та инвестицион лойиҳанинг техник- иқтисодий асослари маъқулланди. Унга кўра, «СКС-2 (Сиқув компрессор станцияси) қурилиши билан Шўртан газ конини қўшимча ободонлаштириш» ҳамда «СКС қурилиши билан Олон газ конини қўшимча ободонлаштириш» лойиҳаси амалга оширилади. Ушбу компрессор станцияларининг шу йилнинг декабрь ойида ишга туширилиши кўзда тутилган. Бу ҳақда «Правда Востока» газетаси хабар берди.
Хусусан, Олон газ конида 27 та қудуқни ободонлаштириш ва йилига 5 миллиард метр куб табиий газ ишлаб чиқарадиган сиқув компессор станциясини қуриш режалаштирилган. Лойиҳа қиймати 250,2 миллион АҚШ долларига тенг.
Ушбу ҳужжатда инвестицон лойиҳаларнинг молиявий манбалари ҳам белгиланган. Унга мувофиқ, лойиҳалар «Ўзбекнефтгаз» МХКнинг ўз маблағлари, Ўзбекистон Тараққиёт ва ривожланиш жамғармаси кредитлари, шунингдек «Халқ банки» ДТБ ҳамда бошқа маҳаллий ва хорижий банклар кредитлари ҳисобига амалга оширилади.
Тижорат банклари кредитларини жалб қилиш, лойиҳаларни амалга ошириш бўйича заём келишувларини имзолаш «Ўзбекнетфгаз» МХК зиммасига юклатилди.
Изоҳ (0)