Bugun,

  • USD 11095.31
  • RUB 173.84
  • EUR 10772.44

Navoiy viloyatining Nurota tumanida 2014-yilning o‘tgan davrida 300 dan ortiq kichik biznes va xususiy tadbirkorlik subyekti ish boshladi. “Nurota go‘sht” xususiy korxonasi shulardan biri, deb xabar bermoqda O‘zA.

Navoiy viloyati Nurota tumani. Foto: hazratnavoiy.uz

Navoiy viloyati Nurota tumani. Foto: hazratnavoiy.uz

– O‘zbekiston tashqi iqtisodiy faoliyat milliy bankining Navoiy filialidan olingan 120 million so‘mlik kredit mablag‘i evaziga zamonaviy uskunalar xarid qildik, – deydi “Nurota go‘sht” korxonasi rahbari Soliboy Bo‘stonov. – Natijada to‘rt nafar kollej bitiruvchisi hamda ishsiz yurgan shuncha fuqaroning bandligi ta’minlandi. O‘n xilga yaqin dudlangan va dudlanmagan kolbasa mahsulotlari ishlab chiqarishni yo‘lga qo‘ydik.

Bu yerda tayyorlanayotgan mahsulotlarning bir qismi buyurtma asosida tumandagi korxona va tashkilotlarga yetkazib berilayotgan bo‘lsa, qolgani savdo do‘konlari orqali sotilmoqda.

Ayni paytda korxona tarkibida chorvachilikni rivojlantirish, chuchvara ishlab chiqarish sexini qurish choralari ko‘rilmoqda. Bu ishlarning amalga oshirilishi yana o‘nga yaqin yangi ish o‘rni yaratish imkonini beradi.

Izoh
Asosiy yangiliklar
Mahalliy
O‘zbekistonda kelasi hafta 42 darajagacha issiq bo‘ladi
Mahalliy
Toshkentda yo‘lning qatnov qismida prank uyushtirgan yigitlar 3 sutkaga qamaldi
Dunyo
Dunyo bo‘ylab millionerlar soni sezilarli darajada kamaydi