2007 йилда Microsoft компаниясидаги лавозимидан озод этилган ҳиндистонлик Кунал Бал вақт ўтиб, ўз мустақил ишини бошлади ва 1 миллиард доллар миқдоридаги даромадга эга бўлди. Бу ҳақда Wall Street Journal маълумотига асосланиб «РИА Новости» хабар берди.
Куналнинг Microsoft'дан бўшатилишига Америка ҳукумати виза муддатини узайтиришни истамагани сабаб бўлган. Ватанига қайтиб келган Кунал Бал МонейСавер деб номланган чегирмалар купони ишлаб чиқарувчи компанияга асос солди. Ушбу лойиҳани амалга оширишда унга мактаб давридаги дўсти Рохит Бансал кўмаклашди.
2 йилдан сўнг мижозлар Кунал ва Рохитдан кейинчалик Снапдеал номини олган интернет-дўкон очишни сўради. Бу интернет-дўкон шиддат билан ривожланиб, ҳозирда мамлакатдаги энг омадли лойиҳалардан бири сифатида баҳоланмоқда.
‘‘Ўша вақтда бизнинг интернет ҳақидаги ягона билимимиз ўз доменимизни қандай қилиб рўйхатга олиш билангина чегараланган эди», — дейди Бал.
Анча вақтдан сўнг мижозлар ўз товарларини интернет орқали сотиш ҳақидаги таклиф билан чиқди. Икки мактабдош дўстнинг сайти чинакам интернет-савдо марказига айланди. Айни вақтда ушбу сайтда мингдан ортиқ ходим фаолият юритмоқда. Балнинг сўзларига кўра, уларнинг сайтида ишлашни хоҳловчилар миқдорида камчиликлар йўқ ва номзодларнинг учдан бир қисмини америкаликлар ташкил этади.
30 ёшли Кунал вақти-вақти билан Американинг нуфузли университетларига маҳсулот билан ишлаш тажрибасига эга бир қанча муҳандис, маркетолог ва менежерларни жалб қилиш мақсадида ташриф буюриб туради. Балнинг таъкидлашича, бу кадрлар АҚШда ҳам ўзларига иш топиши мумкин. Аммо Бал Ҳиндистонда таклиф этаётган каби юқори лавозимларга эга бўлиши даргумон.
Айтиш керакки, Кунал асло бошқаларнинг ишларидан нусха олмаган, бироқ бу унга америкалик ҳамкасбларининг фаолиятини диққат билан кузатишига ҳалал бермайди. Бал кузатувларидан шундай хулосага келдики, кўпчилик Америка компаниялари учун мобил алоқа фойдаланувчилари муҳим бўғин ҳисобланади. Шу сабабли, Кунал Снапдеал мобил дастурини яратишга қарор қилди. Бу янгилик шарофати билан ҳозирда компания 35% даромад олмоқда.
Снапдеал платформа шаклида ишлайди. Унда чакана савдогарлар товарларини сотувга қўяди. Сайт рўйхатга олиш учун йиғим олмайди, аммо савдодаги даромаддан улушга эга бўлади. Фақатгина сўнгги ойнинг ўзида сайтнинг даромадлари 5 баравар ошиб 1 миллиард долларга яқинлашиб қолди.
Изоҳ (0)