Бугун, 1 апрел — Халқаро ҳазил куни интернет тармоғида кенг «нишонланди». Кўплаб машҳур сервислар ўз фойдаланувчиларини 1 апрел ҳазиллари билан «сийлашди».
Гоогле ҳар йилгидек бу йил ҳам компаниянинг турли бўлимларидаги ходимлар томонидан тайёрланган ҳазилларни дайжест кўринишида ҳавола қилди. Ундан Гоогле Жапанънинг Магиc Ҳанд (Сеҳрли қўл) қурилмаси ҳақидаги видеолавҳаси ҳам ўрин олди. Ҳазил сифатида тақдим этилган мослама смартфонни қўлингиз ўрнига бошқаради. Шунингдек, унга «зўр» ишорасини берувчи бош бармоқ, мушук панжаси, елка қашувчи мослама кабиларни ўрнатиш мумкин.
«Яндекс» эса ўзининг қидирув саҳифасида (Яндексъдаги) «C» ҳарфини смайлик маъносидаги икки нуқта ва қавс белгилари билан алмаштирди. Шунингдек, сайтда пашша ва пашшатутгич белгичаларини кўриш мумкин. Улар ёрдамида «пашша тутиш» ўйинини ўйнаш мумкин.
Бундан ташқари, турли нашрлар ҳазиломуз хабарларни эълон қилди. CА-Неwс Марказий Осиё янгилик хизмати Ўзбекистонинг бир томонлама тартибда Евроиттифоқ билан виза режимини бекор қилгани ҳақида хабар берди. Эрталаб 10:00 да эълон қилинган янгиликда бундай қарор Тошкентда 1 апрел кунги йиғилишда қабул қилингани таъкидланган.
Маҳаллий «Анонс» нашри эса Амударёга дарё делфинлари келтирилгани ҳақидаги хабарни тарқатди. Хабар матни сўнгида барча муштарийларни 1 апрел билан табриклади.
Шунингдек, УзИнфоcом корпоратив блоги ва «Баня.уз» янгиликлар тасмаси саҳифалари ҳазил куни муносабати билан бир томонга оғган ҳолдаги қийшиқ кўриниш олди.
«Дарё» нашри ҳам Халқаро ҳазил кунида мухлисларни зериктириб қўймади: нашрга қўшни хонада «янги, мисли кўрилмаган, универсал севимли» Kulmak.uz портали ишга тушгани хабар берилди.
Изоҳ (0)