Украинанинг ҳокимиятдан четлаштирилган собиқ раҳбари Виктор Януковичнинг маълум қилишича, Евромайдондаги ҳаракатларга қарши қатъий чора кўришга унинг «қўли бормаган». Бу ҳақда у телеканалларга берган интервюсида айтиб ўтди, дея хабар қилади «РИА Новости» ахборот агентлиги.
«Ўшанда ўз тарафдорларим орасида менга таъна қилиб, Майдонга нисбатан жиддий чоралар кўриш вақти етганлигини айтувчилар кўп бўлди. Айтяпман-ку, бундай қилишга менинг қўлим бормади», – деди Янукович.
Собиқ президентнинг сўзларига кўра, бу унинг тамойилларига зид: «Менинг тамойилим – ҳеч қандай ҳокимият бир томчи ҳам қон тўкишга арзимайди; мен ҳамиша шунга амал қилганман».
Изоҳ (0)