• USD12910.15
    • RUB159.78
    • EUR14660.77
    Daryo.uz - Login
    O‘zbekiston

    Eron ustidagi havo hududi yopilgani sabab ikki aviakompaniya O‘zbekistonga parvozlarni vaqtincha to‘xtatdi

    Flynas va Qeshm Air aviakompaniyalari Yaqin Sharqdagi vaziyatning keskinlashuvi va havo hududining bir qismi yopilishi munosabati bilan O‘zbekistonga parvozlarni vaqtincha to‘xtatdi. Bu haqda Uzbekistan Airports matbuot xizmati xabar berdi.

    Foto: Uzbekistan Airports matbuot xizmati

    Maʼlum qilinishicha, 2-oktyabr kuni quyidagi reyslar bekor qilindi:

    • Flynas aviakompaniyasining KNE633/634  Jidda – Toshkent – ​​Jidda va KNE651/652 Jidda – Namangan – Jidda yo‘nalishida;
    • Qeshm Air aviakompaniyasining QSM2143/2142 Tehron – Toshkent – ​​Tehron yo‘nalishida.

    “Ushbu reyslar haqida batafsil maʼlumot olish uchun aviakompaniya vakillariga murojaat qilish tavsiya etiladi”, deyiladi xabarda.

    Avvalroq Tel-Aviv—Samarqand—Toshkent yo‘nalishidagi aviaqatnov majburiy kechiktirilgani haqida xabar berilgandi.

    Eronning Isroilga yirik raketa hujumi

    Eronning Isroilga yirik raketa hujumi to‘xtadi. Bu haqda Isroil armiyasining rasmiy vakili Daniel Xagariy maxsus murojaatida ma’lum qilgan. Isroil OAV xabarlariga ko‘ra, Eron tomonidan jami 500 ga yaqin raketa uchirilgan. 

    Islom inqilobi qo‘riqchilari korpusining bildirishicha, Eron raketalari tomonidan Isroilning O‘rta Yer dengizidagi harbiy bazalari va gaz platformalari nishonga olingan.

    Eron raketalarining bir qismi G‘azo sektoridagi Netzarim hududiga tushib, Isroilning ko‘p sonli tanklarini ishdan chiqardi, deb xabar bermoqda IRIB telekanali.

    Shuningdek, Eron OAV raketa hujumi oqibatida Isroilning 20 dan ortiq F-35 qiruvchi samolyotlari yo‘q qilinganini xabar berdi.

    Vaziyat sababli elchixona Isroildagi o‘zbekistonliklarga murojaat qildi. Elchixona yana bir bor tezkor ehtiyot choralarini ko‘rishni qatʼiy tavsiya qildi.

    #Isoril#Eron#Uzbekistan Airports#Uzbekistan Airways

    Javob qoldiring

    Mavzuga doir

    ×Lightbox Image