Uzbekistan Airways bortkuzatuvchilarni ishga qabul qilish davom etayotganini e’lon qiladi. Ushbu noyob imkoniyat sizga hayotingizni o‘zgartirish va qiziqarli kasbni o‘rganish imkonini beradi. Tanlovdan muvaffaqiyatli o‘tgan nomzodlarning o‘qishi to‘liq aviakompaniya tomonidan qoplanadi.
Uzbekistan Airways milliy aviakompaniyasi doimiy ravishda o‘z parkini kengaytirib, yangi yo‘nalishlarni ochib, parvozlar sonini ko‘paytirmoqda. Shunday qilib, aviakompaniya shijoatli yoshlarga Uzbekistan Airways’ning bir qismi bo‘lish imkoniyatini taqdim etmoqda. Tanlovda ishtirok etish uchun siz anketani to‘ldirishingiz va kerakli hujjatlarni elektron pochta orqali yuborishingiz lozim.
Nomzodlarga qo‘yiladigan talablar
- O‘zbekiston Respublikasi fuqarosi bo‘lish;
- Yoshi 18dan 25gacha;
- Tugallangan oliy yoki o‘rta-maxsus ma’lumotga ega bo‘lish;
- Qizlar uchun: bo‘yi 162 dan 175 santimetrgacha, kiyim o‘lchami 36-40 (Yevropa o‘lchovida);
- Normal tana massasi indeksi Ketle bo‘yicha (18,5-24,9);
- Qaddi-qomati kelishgan va nozik;
- Orasta soch turmagi va parvarish qilingan tashqi ko‘rinish
Taqdim etilishi zarur bo‘lgan hujjatlar:
- O‘zbekiston fuqarosi pasporti;
- 4х6 fotosurat;
- Ish yoki o‘qish joyidan ma’lumotnoma;
- Oliy yoki o‘rta-maxsus ma’lumoti diplomi;
- Harbiy guvohnoma (agar bo‘lsa);
- Yashash joyidan ma’lumotnoma;
Anketani quyidagi havola orqali yuklab oling.
Talablarga javob bermaydigan yoki o‘quv dasturini yakunlay olmagan nomzodlar chetlashtiriladi. Barcha hujjatlar elektron tarzda ko‘rib chiqiladi va saralash bosqichidan muvaffaqiyatli o‘tgan nomzodlar suhbatga taklif etiladi.
O‘quv mashg‘ulotlari Toshkent xalqaro aeroporti yonida joylashgan Uzbekistan Airways Training Center’da bo‘lib o‘tadi.
Qo‘shimcha ma’lumot uchun E-mail yoki quyidagi telefon raqamiga murojaat qiling: +998-71-255-34-03
Reklama huquqi asosida.
Izoh (1)
mani orzuim edi bu kasb man judayam xursanman imkoniyat berilganidan xudo xolasa ishlamoqchiman hammaga rahmat