Eron sudi zino qilgan ayolni toshbo‘ron qilish orqali o‘limga hukm qildi. Bu haqda ABC News xabar berdi.
Ma’lum qilinishicha, rafiqasi ayollar sport zalida murabbiy bo‘lib ishlagan, eri esa videokuzatuv kamerasidan uning boshqa erkaklar bilan aloqasi borligini bilib, politsiyaga murojaat qilgan. Oqibatda ayol zino sababli toshbo‘ron qilish bilan o‘limga hukm qilingan.
Eron qonunlariga ko‘ra, ayol o‘lim jazosi ustidan shikoyat qilishi mumkin, chunki Eron sudlari baʼzan vatanga xiyonat qilgan odamlarni o‘limga hukm qilgan bo‘lsa-da, apellyatsiyadan so‘ng hukm yengilroq jazoga almashtirilishi mumkin.
Eron o‘lim jazosini keng qo‘llagani uchun xalqaro bosim ostida. BMT bosh kotibi Antoniu Guterrish Eron odamlarni “tashvishli darajada” qatl etayotganini aytgandi. Uning so‘zlariga ko‘ra, 2023-yilning dastlabki yetti oyida kamida 419 kishi o‘lim jazosiga hukm qilingan, bu o‘tgan yilning shu davriga nisbatan 30 foizga ko‘pdir.
Eronda o‘lim jazosi nazarda tutilgan jinoyatlar qatoriga zino, qotillik, zo‘rlash, qurolli talonchilik, odam o‘g‘irlash va giyohvand moddalar savdosi kiradi.
Izoh (0)