Hayotingizni o‘zgartirish va butunlay yangi, qiziqarli kasbni egallash hech qachon kech emas. Uzbekistan Airways bortkuzatuvchilar jamoasiga qabul qilishni davom ettirmoqda va sizni o‘zining katta oilasiga kelib qo‘shilishingizni taklif etadi. Bortkuzatuvchilikka o‘qitish aviakompaniya tomonidan to‘lanadi.
O‘qish uchun tanlovda ishtirok etishni xohlagan nomzodlar anketa to‘ldirishlari hamda skaner qilingan nusxalarini tayyorlashlari va ca.school@uzairways.com elektron manziliga yuborishlari zarur.
Taqdim etilishi zarur bo‘lgan hujjatlar (skanerlangan hujjatlarning nusxasi):
- O‘zbekiston Respublikasi fuqaro pasporti;
- foto 4х6
- ish yoki o‘qish joyidan ma’lumotnoma;
- oliy yoki o‘rta-maxsus ma’lumot diplomi (chet el diplomi bo‘lsa, O‘zbekiston Respublikasida nostrifikatsiya qilingan bo‘lishi kerak), ishga oliy ta’lim muassasasining sirtqi bo‘limida ta’lim oladigan nomzodlar qbul qilinadi;
- harbiy guvohnoma (harbiy xizmatga majbur bo‘lsa);
- yashash joyidan ma’lumotnoma;
- anketa (quyidagi havo orqali yuklab oling);
Nomzodga qo‘yiladigan talablar:
- nomzod O‘zbekiston Respublikasi fuqarosi bo‘lishi va tugallangan oliy yoki o‘rta-maxsus ma’lumotga ega bo‘lishi kerak;
- yoshi 18dan 25gacha (25 yoshga to‘lganlar qabul qilinmaydi);
- qiz-ayollar uchun bo‘yi 165 dan 175 santimetrgacha, kiyim o‘lchami 36-40 (Yevropa o‘lchovida);
- normal tana massasi indeksi Ketle bo‘yicha (18,5-24,9);
- qaddi-qomati kelishgan va nozik, yurishda nuqsonlar bo‘lmasligi kerak;
- orasta soch turmagi yoki shakli, erta kallik belgilari, kesilgan joylar bo‘lmagan, sochlar tabiiy rangga ega bo‘lishi kerak (sochlar uzunligi kiyimning yoqasiga tegmasligi uchun orasta turmakda bo‘lishi kerak);
- ko‘rinadigan nuqsonlar va assimetriyasiz yuz, teri toza bo’lishi kerak, yuz ifodalari hamda mimikalar ijobiy taassurot qoldirishi, muloqot qilish uchun qulay bo‘lishi va har bir vaziyatda zarur bo‘lgan his-tuyg‘ularni ifodalashi kerak (tushunish, do‘stona munosabat, g‘amxo‘rlik, hamdardlik);
- lablar fillerlardan holi tabiiy shakl va hajmda bo‘lishi darkor;
- tishlar tekis, toza, old tishlarda oq yoki sariq tish koronkalari bo‘lmasligi lozim;
- qo‘llar parvarish qilingan bo‘lishi zarur (manikyur bilan). Qo‘lning shakli to‘g‘ri va mutanosib bo‘lishi darkor, barmoqlari mavjud bo‘lmaganlar (falajlar) qabul qilinishi mumkin emas;
- tananing ochiq joylarida chandiqlar, dog‘lari va tabiiy belgilari, katta hollar, kuyish izlari va tatuirovkalar, pirsinglar mavjud bo‘lsa nomzod qabul qilinmaydi;
- qaddi-qomati kelishgan bo‘lishi lozim.
Har qanday sababga ko‘ra o‘quv dasturini o‘zlashtira olmagan, dars qoldirayotgan, intizomni buzgan, qo‘pollik qilgan, tashqi ko‘rinishi to‘gri kelmaydigan nomzodlar o‘quv mashg‘ulotlaridan chetlashtiriladi.
Hujjatlar elektron shaklda qabul qilinadi va ko‘rib chiqiladi. Taqdim etilgan hujjatlarni ko‘rib chiqish ijobiy natija bergan taqdirda, nomzod telefon orqali suhbatga taklif qilinadi. O‘quv mashg‘ulotlari Toshkent xalqaro aeroportidan uncha uzoqda bo‘lmagan Uzbekistan Training Center MCHJda bo‘lib o‘tadi.
Qo‘shimcha ma’lumot olish uchun elektron pochta orqali bog‘laning ca.school@uzairways.com
Reklama huquqi asosida.
Izoh (0)