Flynas ва Qeshm Air авиакомпаниялари Яқин Шарқдаги вазиятнинг кескинлашуви ва ҳаво ҳудудининг бир қисми ёпилиши муносабати билан Ўзбекистонга парвозларни вақтинча тўхтатди. Бу ҳақда Uzbekistan Airports матбуот хизмати хабар берди.
Маълум қилинишича, 2 октябрь куни қуйидаги рейслар бекор қилинди:
- Flynas авиакомпаниясининг КNЕ633/634 Жидда – Тошкент – Жидда ва KNЕ651/652 Жидда – Наманган – Жидда йўналишида;
- Qeshm Air авиакомпаниясининг QSМ2143/2142 Теҳрон – Тошкент – Теҳрон йўналишида.
“Ушбу рейслар ҳақида батафсил маълумот олиш учун авиакомпания вакилларига мурожаат қилиш тавсия этилади”, дейилади хабарда.
Аввалроқ Тель-Авив—Самарқанд—Тошкент йўналишидаги авиақатнов мажбурий кечиктирилгани ҳақида хабар берилганди.
Изоҳ (0)