Namangan viloyati hokimi Shavkat Abdurazzoqov Eronning Elektrogen kompaniyasi sotuv menejeri Siyamak Moleverdi hamda kompaniyaning O‘zbekistondagi filiali direktori Hamid Rizo Shafei bilan uchrashuv o‘tkazdi. Bu haqda viloyat hokimligi matbuot xizmati xabar berdi.
Elektrogen kompaniyasi Erondagi asosiy elektr motorlar ishlab chiqaruvchi yirik korxona hisoblanib, asosan maishiy va sanoat maqsadlari uchun keng turdagi motorlar ishlab chiqarish faoliyati bilan shug‘ullanadi.
O‘zaro muloqotda Namanganda sanoat rivojlanib borayotgani, geografik jihatdan qulay joylashgani, ayniqsa, qo‘shni davlatlarga chiqish imkoniyatlari ham kattaligi eʼtirof etildi.
Shularni hisobga olgan Elektrogen kompaniyasi viloyatda o‘z yo‘nalishi bo‘yicha korxona qurishni maqsad qilmoqda.
Izoh (0)