Qonun bilan O‘zbekistonning Suv kodeksi tasdiqlandi. Bu haqda Adliya vazirligi xabar berdi.
Unda aytilishicha, kodeks suv, suv obyektlari, suv xo‘jaligi obyektlari va suv fondi yerlaridan oqilona foydalanish hamda ularni muhofaza qilish sohasidagi munosabatlarni tartibga soladi. Kodeksga ko‘ra, suv umummilliy boylikdir, undan oqilona foydalanish lozim va u davlat tomonidan muhofaza qilinadi.
Suvdan foydalanish umumiy va maxsus foydalanishga bo‘linadi. Suv obyektlarining toifalari jumlasiga quyidagilar kiradi:
- O‘zbekistonning yer usti va yer osti suv obyektlari;
- O‘zbekistonda joylashgan va uning hududini kesib o‘tadigan transchegaraviy yer usti va yer osti suv obyektlari.
Suv obyektlari tanho yoki birgalikda foydalanishda bo‘lishi mumkin. Suv resurslarini boshqarishda qarorlar qabul qilish maqsadida respublika va havzalar, zarur hollarda hududlar darajasida kollegial-maslahat organi shaklida suv kengashlari tashkil etiladi.
Bundan tashqari, Vazirlar Mahkamasi huzurida Respublika suv kengashi tashkil etiladi. Qonun rasmiy e’lon qilingan kundan 3 oy o‘tgach kuchga kiradi.
Toshkent viloyati Bo‘stonliq tumanidagi Chorvoq suv ombori bo‘yida ozarbayjonlik tadbirkor Emin Agalarov tomonidan Sea Breeze Uzbekistan sayyohlik majmuasi qurilishi kutilmoqda. Bu jamoatchilik orasida keng e’tirozlarga sabab bo‘lmoqda. Ekologiya vaziri Aziz Abduhakimov 23-iyul kuni Toshkent shahrida o‘tkazilgan matbuot anjumanida loyiha hujjatlari hali hukumatga taqdim etilmaganini bildirib, “Yo‘q deyishdan oldin taklifini ko‘raylik”, deb aytdi. Aziz Abduhakimov loyiha hujjatlari taqdim etilgach, majmua qurilishi masalasi jamoatchilik muhokamasiga qo‘yilishiga vaʼda berdi.
Chorvoq suv omboriga “Margimush qabristoni”dan zaharli chiqindilar tushishi mumkinligi rad etildi.
Izoh (0)