Rossiyaning Leningrad viloyati Novosarotovka qishlog‘ida o‘zbekistonlik ishchi qurilish maydonchasida ventilyatsiya teshigiga tushib ketib halok bo‘ldi. Bu haqda 78.ru xabar berdi.
Ma’lum qilinishicha, 20 yoshli yigit “Nevskaya dolina” turar joy majmuasida qurilayotgan 17 qavatli binoning 14-qavatida ventilyatsiya teshigiga tushib ketgan. Tozalash ishlari vaqtida u yolg‘iz bo‘lgan.
Halok bo‘lgan shaxs O‘zbekiston fuqarosi ekani aniqlangan. Hozirda hodisa tafsilotlari o‘rganilmoqda. Jinoyat ishi qo‘zg‘atish masalasi hal qilinmoqda.
Noyabr oyida ham Leningrad viloyatida 19 yoshli o‘zbekistonlik quruvchi to‘qqizinchi qavatdan tushib halok bo‘lgandi. Yigit O‘zbekistondan Peterburgga pul ishlashga kelgan bo‘lgan. U qurilish firmasida mehnat shartnomasi asosida g‘isht teruvchi bo‘lib ishlagan.
Izoh (0)