Rossiyaning Sankt-Peterburg shahrida o‘zbekistonlik erkak mojaro paytida yurtdosh ayolni pichoqlab o‘ldirdi. Bu haqda 78.ru xabar berdi.
Polkovskiy shossesidagi “SalyutPlyus” apart-mehmonxonasida pichoq bilan jarohatlangan 41 yoshli ayol jasadi topilgan. Qo‘riqchi politsiyaga murojaat qilgan. Marhuma O‘zbekistondan Sankt-Peterburgga kelgan, u migratsiya ro‘yxatidan o‘tmagani aniqlangan. Qotillik holati bo‘yicha jinoyat ishi qo‘zg‘atilgan.
Qo‘lga olingan shaxs O‘zbekistonning 26 yoshli fuqarosi bo‘lgan. Tergov ma’lumotlariga ko‘ra, u 11-sentyabr kuni mojaro paytida o‘z vatandoshini pichoqlab o‘ldirgan. Erkak aybini tan olgan. Unga nisbatan qamoqqa olish tarzidagi ehtiyot chorasini tanlash masalasi hal etiladi.
Izoh (0)