Rossiyaning Leningrad viloyatida 19 yoshli quruvchi to‘qqizinchi qavatdan tushib halok bo‘ldi. Bu haqda 78.ru xabar berdi.
19 yoshli yigitning jasadi Yanino-Vostochniy hududida qurilayotgan bino yonida topilgan. Taxminlarga ko‘ra, u to‘qqizinchi qavatda ishlayotgan paytda ehtiyotsizlik tufayli pastga yiqilib tushgan.
Ma’lum bo‘lishicha, yigit O‘zbekistondan Peterburgga pul ishlash uchun kelgan. U qurilish firmasida mehnat shartnomasi asosida g‘isht teruvchi bo‘lib ishlagan.
Yanvar oyida Leningrad viloyatidagi qurilish maydonchasida o‘zbekistonlik quruvchining ustiga metall konstruksiya qulab tushgandi. 60 yoshli O‘zbekiston fuqarosi boshidan tan jarohati olib, voqea joyida halok bo‘lgandi.
Izoh (0)