Rossiyada O‘zbekiston fuqarosi yuk mashinasi ishtirokida sodir bo‘lgan yo‘l-transport hodisasida halok bo‘ldi. Bu haqda “Kommersant” xabar berdi.
Ma’lum qilinishicha, hodisa 15-sentyabr kuni Tyumen-Xanti-Mansiysk avtomobil yo‘lining 178-kilometrida sodir bo‘lgan. “GAZ” va “VAZ 2107” avtomashinalari bir-biri bilan to‘qnashib ketgan, avtomashinalardan biri qarama-qarshi yo‘nalishga chiqib ketgan. 24 yoshli avtofurgon haydovchisi hodisa oqibatida jarohatlangan.
Halok bo‘lgan VAZ2107 haydovchisining shaxsi aniqlandi, bu Rossiya hududida noqonuniy ravishda bo‘lgan 55 yoshli O‘zbekiston fuqarosi bo‘lib, u Tyumen tomonga ketayotgandi, deyiladi Tyumen viloyati davlat avtomobil nazorati xabarida.
Izoh (0)