Ukraina prezidenti Vladimir Zelenskiy Ozarbayjon rahbari Ilhom Aliyev bilan telefon orqali suhbatlashib, unga Ukraina xalqi va mamlakat hududiy yaxlitligini qo‘llab-quvvatlagani uchun minnatdorlik bildirdi. Bu haqda Vladimir Zelenskiy o‘zining Telegram kanalida ma’lum qildi.
Ma’lum qilinishicha, ikki davlat rahbarlari, boshqa masalalar qatori, Moskva va Boku o‘rtasidagi munosabatlarning keskinlashuvini ham muhokama qilishgan.
Zelenskiyning aytishicha, “Rossiya Ozarbayjon fuqarolarini haqorat qilayotgan va respublikaga tahdid solayotgan vaziyatda” Aliyevga o‘z qo‘llab-quvvatlashini bildirganini ma’lum qilgan.
“Ukrainani, xalqimizni va hududiy yaxlitligimizni qo‘llab-quvvatlagani uchun unga minnatdorchilik bildirdim. Shuningdek, Ukraina tomonidan ham aniq qo‘llab-quvvatlash ifoda etildi”, deya ta’kidladi u.
Shuningdek, prezidentlar mamlakatlarning ikki tomonlama munosabatlarini, xususan, energetika va gumanitar sohadagi hamkorlikni ham muhokama qilishgan.
Ta’kidlanishicha, prezidentlar Iqtisodiy hamkorlik bo‘yicha hukumatlararo qo‘shma komissiya yig‘ilishini o‘tkazishga kelishib olishgandilar.
“Prezident Aliyev bilan fikrimiz bir xil: har bir insonning hayoti va qadr-qimmati himoya qilinishi shart”, deya ta’kidladi Zelenskiy.
Boku va Moskva o‘rtasidagi munosabatlar 27-iyunda Yekaterinburgda tergov doirasida etnik ozarbayjonliklar hibsga olinganidan so‘ng keskinlashdi. Rossiya Tergov qo‘mitasi (TQ) raisi Aleksandr Bastrikin jinoyat ishini TQ bosh tergov boshqarmasiga topshirishni talab qildi.
Ozarbayjon Tashqi ishlar vazirligi ushbu reydlar tufayli Rossiya Federatsiyasiga “qat’iy norozilik” bildirdi. Bunga javoban Rossiya Tashqi ishlar vazirligi Bokuda rossiyalik jurnalistlar qo‘lga olinganidan keyin Ozarbayjonning “do‘stona bo‘lmagan harakatlari” haqida bayonot berdi.
Izoh (0)