2025-yil 10-iyun kuni O‘zbekiston poytaxtida IV Toshkent xalqaro investitsion forumi ish boshladi. Bu haqda “Daryo” muxbiri xabar berdi.
Forum Investitsiyalar, sanoat va savdo vazirligi tomonidan tashkil etildi. Unda qiymati 30 milliard dollardan ortiq energetika, infratuzilma, qishloq xo‘jaligi, foydali qazilmalarni qazib olish, raqamli texnologiyalar va boshqa sohalarga oid investitsion loyihalar taqdim etilmoqda.
Tadbir xalqaro investorlar, hukumatlar, moliya institutlari va biznes vakillaridan iborat 8 mingdan ziyod ishtirokchini qamrab oldi. Jumladan, Toshkent shahriga dunyoning 100 ga yaqin mamlakatidan 3 mingga yaqin xorijiy mehmon keldi. Bolgariya prezidenti Rumen Radev, Slovakiya bosh vaziri Robert Fiso, Qozog‘iston bosh vaziri O‘ljas Bektenov, Qirg‘iziston vazirlar kengashi raisi Adilbek Qosimaliyev, Tojikiston bosh vaziri Qohir Rasulzoda, Ozarbayjon bosh vaziri Ali Asadov shular jumlasidan.
Bu gal avvalgilaridan farqli ravishda O‘zbekiston sanoati va investitsiya salohiyatini ko‘rsatuvchi ilk Milliy ko‘rgazma ochildi. O‘ndan ortiq sohalar bo‘yicha 90 ta kompaniya o‘z mahsulotlarini taqdim etyapti.
Ko‘rgazma investorlarga O‘zbekistondagi mavjud imkoniyatlar va hamkorlikka tayyor loyihalar haqida to‘liq tasavvur hosil qilishga yordam beradi.
Forumda 12-iyungacha davom etadi. Mazkur davr panel muhokamalari, loyihalar taqdimotlari, ikki tomonlama uchrashuvlar hamda O‘zbekistonning xalqaro hamjamiyat bilan investitsiyaviy sherikligini yanada mustahkamlashga qaratilgan bitimlarni imzolashni o‘z ichiga oladi.
Izoh (0)