Tashqi ishlar vaziri Baxtiyor Saidov Ozarbayjon tashqi ishlar vaziri Jeyhun Bayramov bilan telefon orqali muloqot qildi.
Unda O‘zbekiston—Ozarbayjon o‘rtasidagi strategik sheriklik va ittifoqchilikka asoslangan ikki tomonlama munosabatlarning barcha jabhalarda izchil rivojlanayotganiga e’tibor qaratilgan.
Kun tartibi oliy va yuqori darajadagi almashinuvlar, ikki va ko‘p tomonlama tadbirlar, jumladan, IHT vazirlar yig‘ilishi kabi tadbirlar bilan boy bo‘lgan.
Shuningdek, Isroil—Eron mojarosining keskinlashuvi oqibatida yuzaga kelgan mintaqaviy vaziyat haqida fikr almashib, tinchlik va barqarorlikni saqlash muhimligi ta’kidlangan.
O‘zbekiston Tashqi ishlar vazirligi Isroilning Eronga hujumlari yuzasidan xavotir bildirgan. Vazirlik barcha tomonlarni to‘liq vazminlikka, harbiy harakatlarni darhol to‘xtatishga va nizoni siyosiy-diplomatik yo‘l bilan hal etishga chaqirmoqda. Shuningdek, mojaroning keskinlik darajasini kamaytirish bo‘yicha sa’y-harakatlarga ko‘maklashishga tayyorligini bildirgan.
Izoh (0)