Iyun oyi — futbol bo‘yicha O‘zbekiston terma jamoasi uchun juda omadli keldi. Dastlab, 5-iyun kuni Abu Dabida futbolchilarimiz jahon chempionati yo‘llanmasini naqd qilgan bo‘lsa, kecha, 10-iyun kuni o‘z muxlislari ko‘z o‘ngida Qatar ustidan yirik hisobdagi g‘alabani nishonladi.
To‘y to‘yday bo‘ldi: futbolga O‘zbekiston yetakchisi Shavkat Mirziyoyev shaxsan tashrif buyurdi va barcha futbolchilar, murabbiylar va o‘zbek futboli jonkuyarlarini mukofotladi.
Yana bir eʼtiborli jihati — erishilgan g‘alaba xalqaro siyosiy doiralarning ham diqqat markazida bo‘ldi. Mamlakatimiz rahbarining yonida Bolgariya prezidenti Rumen Radev, Slovakiya bosh vaziri Robert Fitso, Qozog‘iston bosh vaziri Oljas Bektenov, Qirg‘iziston hukumati raisi Adilbek Kasimaliyev, Tojikiston bosh vaziri Qohir Rasulzoda, Ozarbayjon bosh vaziri Ali Asadov, Turkmaniston Vazirlar Mahkamasi raisi o‘rinbosari Nokerguli Ataguliyev va boshqa rasmiylar ham bor edi.
-bOJH3FHc.avif)
Boshqa davlat rahbarlarining bunday tadbirda ishtirok etishi — bu shunchaki sportga qiziqish emas, balki O‘zbekistonning xalqaro maydondagi obro‘siga bo‘lgan hurmat va eʼtiborning ifodasidir. Futbol uchrashuvi davomida prezidentlarning o‘zaro munosabatlardagi samimiylik, O‘zbekiston prezidentiga bo‘lgan katta hurmat namoyon bo‘ldi. Mehmonlar har bir golni davlatimiz yetakchisi bilan birga, katta xursandchilik bilan nishonladi.
O‘zaro ishonch va hurmatga qurilgan bunday munosabatlar, albatta, iqtisodiyotda ham o‘z aksini topadi. Buni investitsiya forumidagi kelishuvlardan, forum doirasidagi diplomatiyadan ham bilsa bo‘ladi.
Izoh (0)