Pokistonda 4-iyul kuni bino qulab tushdi. Qutqaruvchilar uch kunlik qutqaruv operatsiyasini yakunlab, binodan 27 kishining jasadini olib chiqdi. Bu haqda Arab News xabar berdi.
Aholining aytishicha, 4-iyul kuni soat 10:00 atrofida Karachining “Lyari” mahallasida ko‘p qavatli uy qulab tushgan. Kuchli gumburlagan ovozlar eshitilgan.
“Vayronalar ostida qolgan barcha jasadlar topilgan. Shuning uchun qidiruv operatsiyasi to‘xtatilgan. Halok bo‘lganlarning umumiy soni 27 kishini tashkil etmoqda”, dedi rasmiylardan biri.
Ta’kidlanishicha, ushbu bino xavfli deb topilgan va 2022—2024-yillar oralig‘ida uy egalariga ko‘chish to‘g‘risida bildirishnomalar yuborilgan. Ba’zi fuqarolar bunday xabar olmaganini ta’kidlagan. Qurbonlarning 20 nafari hind millatiga mansub ekani aniqlangan.
5-iyuldan beri yana 50 dan ortiq xavfli binolardan 5 tasi evakuatsiya qilingan. Tom va binolarning qulashi Pokistonda tez-tez uchrab turadi. Ammo 20 milliondan ortiq aholi yashaydigan Karachida holat yanada jiddiyroq.
Izoh (0)