Ijtimoiy tarmoqlarda Olmazor tumanining Sag‘bon ko‘chasida qurilish binosi qulab tushgani haqida videolar tarqaldi. Holat yuzasidan Qurilish va uy-joy kommunal xo‘jaligi vazirligi izoh berdi.
Maʼlum qilinishicha, vazirlik mutasaddilari kecha tunda voqea joyiga borib, holatni o‘rgangan.
Natijada bino qulamaganligi, balki beton quyish jarayonida texnik xatolarga yo‘l qo‘yilganligi sababli qolip (opalubka) konstruksiyalari tushib ketgani aniqlandi.
Hodisa natijasida atrofdagi fuqarolar va ishchilarga zarar yetmagan.
Hozirda mutasaddi tashkilotlar tomonidan qurilish normalariga rioya etilganlik holati yuzasidan o‘rganish olib borilmoqda.
Izoh (0)