Toshkentning Qushbegi ko‘chasida qurilayotgan ko‘p qavatli uyning devorlari shamol natijasida qulab tushgani haqida tarmoqlarda videolar tarqaldi. Qurilish vazirligi holatga izoh berdi.
Ma’lum qilinishicha, videoda keltirilgan holat Toshkent shahri Yakkasaroy tumani KHAY ko‘chasi 2/1-uy manzilida joylashgan yerto‘laga ega sakkiz qavatli ofis va umumovqatlanish binosi qurilishida sodir bo‘lgan. Hududiy inspeksiya tomonidan joyiga chiqib o‘rganilganda qurilish-montaj ishlarining ko‘p yillar davomida moliyaviy sabablarga ko‘ra to‘xtatib turilgani va hozirda obyektda qurilish ishlarini davom ettirishga tayyorgarlik ko‘rish jarayonlari kechayotgani aniqlandi.
Yollanma ishchilar tomonidan obyekt devorlarini demontaj qilish paytida ehtiyotsizlikka yo‘l qo‘yilishi oqibatida beton bo‘laklaridan biri qurilish maydonidan tashqariga tushgan.
Mazkur holat yuzasidan qurilish-montaj ishlarini loyiha va qurilishda texnika xavfsizligi talablari asosida olib borilishi bo‘yicha mas’ul shaxslarga tegishli ko‘rsatma va tushuntirishlar berib o‘tildi.
Izoh (0)