Покистонда 4 июль куни бино қулаб тушди. Қутқарувчилар уч кунлик қутқарув операциясини якунлаб, бинодан 27 кишининг жасадини олиб чиқди. Бу ҳақда Arab News хабар берди.
Аҳолининг айтишича, 4 июль куни соат 10:00 атрофида Карачининг “Ляри” маҳалласида кўп қаватли уй қулаб тушган. Кучли гумбурлаган овозлар эшитилган.
“Вайроналар остида қолган барча жасадлар топилган. Шунинг учун қидирув операцияси тўхтатилган. Ҳалок бўлганларнинг умумий сони 27 кишини ташкил этмоқда”, деди расмийлардан бири.
Таъкидланишича, ушбу бино хавфли деб топилган ва 2022—2024 йиллар оралиғида уй эгаларига кўчиш тўғрисида билдиришномалар юборилган. Баъзи фуқаролар бундай хабар олмаганини таъкидлаган. Қурбонларнинг 20 нафари ҳинд миллатига мансуб экани аниқланган.
5 июлдан бери яна 50 дан ортиқ хавфли бинолардан 5 таси эвакуация қилинган. Том ва биноларнинг қулаши Покистонда тез-тез учраб туради. Аммо 20 миллиондан ортиқ аҳоли яшайдиган Карачида ҳолат янада жиддийроқ.
Изоҳ (0)