Nigeriyaning Lagos shahrida 21 qavatli binoning qulashi oqibatida 100 ga yaqin kishi vayronalar ostida qolib ketdi, deb xabar beradi “Korrespondent.net”.
Guvohlarning ma’lum qilishicha, ko‘p qavatli bino qulagan vaqtda u yerda 100 ga yaqin quruvchi ishlayotgan bo‘lgan, hozirda ular bedarak yo‘qolgan deb hisoblanmoqda.
Shu bilan birga, qutqaruvchilar vayronalar ostida tirik qolgan uch kishini chiqarib olishga muvaffaq bo‘lgan. Ular shifoxonaga yetkazilgan.
O‘z navbatida PM News nashrining ma’lum qilishicha, binoning qulashi oqibatida kamida yetti kishi halok bo‘lgan bo‘lib, ularning jasadi yuzaga olib chiqilgan. Ayni vaqtlarda qidiruv-qutqaruv ishlari davom etmoqda.
Avvalroq Gruziyaning Batumi shahrida 5 qavatli uy qulab tushgani, Floridada 12 qavatli turar joy qulab tushishi oqibaitda 99 kishi bedarak yo‘qolgani to‘g‘risida xabar berilgandi.
Mavzuga doir:
Izoh (0)