26-iyul chorshanba kuni ertalab Nyu-York shahrida 16 tonnalik betonni ko‘tarayotgan qurilish krani bino ustiga qulab tushdi. Oqibatda operator kabinasida yong‘in chiqqan. Kranning tumshuq qismi qo‘shni ko‘chadagi osmono‘par binoga kelib urilgan, shundan so‘ng u yerga qulagan.
“Vaziyat bundan ham yomonroq bo‘lishi mumkin edi. Bizga omad kulib boqdi, yaxshiyam bu vaqtda ko‘chada odam gavjum emasdi”, — dedi shahar meri Erik Adams The New York Post nashriga bergan intervyusida.
Uch nafar jabrlanuvchi kasalxonaga yotqizilgan, yana ikki kishining, jumladan, o‘t o‘chiruvchining ahvoli haqida ma’lumot berilmagan.
Ma’lum bo‘lishicha, qurilish krani 2008-yilda Yuqori East Side hududida xuddi shunday fojiaga uchragan kompaniyaga tegishli. O‘shanda kompaniya egasi ehtiyotsizlik oqibatida odam o‘ldirish va boshqa jinoiy moddalar bo‘yicha ayblangan, ammo keyinchalik oqlangandi.
2008-yilgi voqeada kran qulashidan ikki kishi halok bo‘lgandi.
Izoh (0)