Amerika Qo‘shma Shtatlarida o‘tayotgan 2025-yilgi Klublar o‘rtasidagi Jahon chempionatining chorak final bahslari yakuniga yetdi. Ushbu bosqichda “Fluminense”, “Chelsi”, “PSJ” va “Real Madrid” jamoalari o‘z raqiblarini mag‘lub etib, yarim finalga yo‘l oldi.
Yarim final juftliklari quyidagicha:
- “Fluminense” (Braziliya) — “Chelsi” (Angliya)
- “PSJ” (Fransiya) — “Real Madrid” (Ispaniya)
Ushbu bahslar 9 va 10-iyul kunlari bo‘lib o‘tadi. Turnirning final uchrashuvi esa 13-iyulga belgilangan.
Ma’lumot uchun, musobaqa tarixida eng ko‘p g‘alaba qozongan klub bu — “Real Madrid”. Ispan jamoasi Klublar o‘rtasidagi Jahon chempionatida besh bor g‘alaba qozongan. Ikkinchi o‘rinda “Barselona” turibdi. Kataloniyaliklar musobaqada 3 marta zafar quchgan.
Eslatib o‘tamiz, 2023-yilgi turnirda Angliyaning “Manchester Siti” klubi chempionlikni qo‘lga kiritgan. Finalda ular Braziliyaning “Fluminense” jamoasini 4:0 hisobida yenggan edi.
Izoh (0)