Klublar o‘rtasidagi JCH. “Real” “Al-Ahli” ustidan yirik hisobda g‘alaba qozondi  

Futbol bo‘yicha Klublar o‘rtasidagi Jahon chempionati yarim finalida “Real” 8-fevral, chorshanba kuni “Al-Ahli” bilan bahs olib bordi.

Uchrashuvning 42-daqiqasida Vinisius Junior hisobni ochdi. 46-daqiqada esa Federiko Valvderde madridliklarning ikkinchi goliga mualliflik qildi. 65-daqiqada Ali Maalul penaltidan unumli foydalanib, hisobni qisqartirdi. 

O‘yin so‘ngida Rodrigo va Arribas o‘z hisoblariga gol yozdirib qo‘ydi va Karlo Anchelotti shogirdlari 4:1 hisobida g‘alaba qozonib, finalga yo‘l oldi.

Dastlabki yarim finalda “Al-Hilol” “Flamengo” ustidan 3:2 hisobida zafar quchgandi. 

Klublar o‘rtasidagi JCH—2023

Yarim final bahsi

8-fevral, chorshanba

“Al-Ahli” (Misr) — “Real” (Ispaniya) 1:4

Gollar: 0:1 – 42 Vinisius Junior, 0:2 – 46 Valverde, 1:2 – 65 Ma’lul (penalti), 1:3 — 90+3 Rodrigo, 1:4 90+8 Arribas.

“Al-Ahli”: Ash-Shenavi, Hani, Metuali, Abdulmonim, Ma’lul, ash-Shahat (Muhammad, 75), Abdulqodir Radvan, as-Sulayya, Magdi Kafsha (Qahraba, 88), Deng (Fathi, 61), Sharif (Tau, 61).

“Real Madrid”: Lunin, Nacho, Alaba, Ryudiger, Kamavinga, Modrich (Odriosola, 90+5), Kroos (Sebalyos, 77), Tchuameni, Valverde, Vinisius Junior (Arribas, 90+8), Rodrigo (Dias, 90+5).

Ogohlantirishlar: Abdulmonim (85), Tchuameni (85).