Klublar o‘rtasidagi Jahon chempionati 1/8 final bosqichida “Manchester Siti” va “Al-Hilol” jamoalari o‘rtasida o‘yin bo‘lib o‘tdi. Gollarga boy va murosasiz kechgan bahsda Saudiya Arabistonining “Al-Hilol” klubi inglizlarning “shaharliklar” jamoasini 4:3 hisobida mag‘lub etib, chorak final yo‘llanmasini qo‘lga kiritdi.
Uchrashuvning 10-daqiqasida Angliya klubining yarim himoyachisi Bernardu Silva hisobni ochdi. Ikkinchi bo‘lim boshida “Al-Hilol” hujumchisi Markus Leonardo hisobni tenglashtirdi. Oradan sakkiz daqiqa o‘tgach, Malkom saudiyaliklarni oldinga olib chiqdi.
55-daqiqada “shaharliklar” hujumchisi Erling Holand gol urib, hisobni yana tenglashtirdi. Asosiy vaqt 2:2 hisobida yakunlandi.
Qo‘shimcha bo‘lim boshida “Al-Hilol” yana oldinga chiqdi — bu safar golni himoyachi Kalidu Kulibali kiritdi. 104-daqiqada Fil Foden hisobni uchinchi bor tenglashtirdi. Oradan ko‘p o‘tmay, Markus Leonardo yana gol urib, jamoasining to‘rtinchi va g‘alaba golini “Siti” darvozasiga yo‘lladi. Shu tariqa, “Al-Hilol” muhim g‘alabaga erishdi hamda turnirning keyingi bosqichga yo‘l oldi.
O‘zbekistonlik himoyachi Abduqodir Husanov zaxirada qoldirildi.
Klublar o‘rtasidagi Jahon chempionati
1/8 final
1-iyul, seshanba
“Manchester Siti” — “Al-Hilol” 3:4
Gollar: 1:0 — Silva (9), 1:1 — Leonardo (46), 1:2 — Malkom (52), 2:2 — Holand (55), 2:3 — Kulibali (94), 3:3 — Foden (104), 3:4 — Leonardo (112)
Izoh (0)