Bugun, 14-iyul kuni O‘zbekiston prezidentining tegishli farmoni bilan qator lavozimlarga tayinlovlar amalga oshirildi. Bu haqda prezident axborot xizmati xabar bermoqda.
-8rWZgsoU.avif)
Abdulaziz Komilov prezidentning tashqi siyosat masalalari bo‘yicha maxsus vakili lavozimidan ozod etilib, prezident tashqi siyosat bo‘yicha maslahatchisi lavozimiga tayinlandi.
Sardor Umurzoqov prezidentning strategik rivojlanish bo‘yicha maslahatchisi lavozimiga tayinlandi. Shu munosabat bilan prezidentning maxsus topshiriqlar bo‘yicha maslahatchisi lavozimidan ozod etildi.
Ruslanbek Davletov prezidentning vakillik organlari, nodavlat notijorat tashkilotlari, din va yoshlar masalalari bo‘yicha maslahatchisi lavozimiga tayinlandi. Shu munosabat bilan prezidentning ijtimoiy-siyosiy, diniy-maʼrifiy va yoshlar masalalari bo‘yicha maslahatchisi lavozimidan ozod etildi.
G‘ofurjon Mirzayev prezidentning kadrlar bo‘yicha maslahatchisi lavozimiga tayinlandi. Shu munosabat bilan davlat rahbarining kadrlar siyosati masalalari bo‘yicha maslahatchisi — Davlat xizmatini rivojlantirish agentligi direktori lavozimidan ozod etildi.
Ravshan G‘ulomov prezidentning iqtisodiy siyosat bo‘yicha maslahatchisi lavozimiga tayinlandi va iqtisodiy rivojlanish masalalari bo‘yicha maslahatchi lavozimidan bo‘shatildi.
Mansurbek Olloyorov prezidentning ijtimoiy himoya bo‘yicha maslahatchisi — Ijtimoiy himoya milliy agentligi direktori lavozimiga tayinlandi. Shu munosabat bilan prezident maslahatchisi — Ijtimoiy himoya milliy agentligi direktori lavozimidan ozod etildi.
Izoh (0)