16-oktabr kuni Afg‘oniston muvaqqat hukumati rahbarining o‘rinbosari vazifasini bajaruvchi Abdulla Salam Hanafiy boshchiligidagi delegatsiyasi Termizga yetib keldi. Bu haqda O‘zbekiston Tashqi ishlari vazirligi rasmiy vakili Yusuf Qabuljonov xabar berdi.
Ma’lum qilinishicha, Afg‘oniston bilan o‘tkaziladigan muzokaralarda O‘zbekiston delegatsiyasiga bosh vaziri o‘rinbosari – investitsiyalar va tashqi savdo vaziri Sardor Umurzoqov boshchilik qiladi.
Eslatib o‘tamiz, 7-oktabr kuni O‘zbekiston tashqi ishlar vaziri Abdulaziz Komilov boshchiligidagi delegatsiya Afg‘oniston muvaqqat hukumat rahbarining siyosiy masalalar bo‘yicha o‘rinbosari Mulla Abdul Kabir boshchiligidagi Afg‘oniston rahbariyati vakillari bilan muzokaralar o‘tkazgandi. Uchrashuv davomida tomonlar yaqin orada Termiz shahrida savdo-iqtisodiy masalalarini, jumladan, Surxon — Puli-Xumri elektr uzatish tarmoqlari va Mozori-Sharif—Kobul—Peshovar yo‘nalishi bo‘ylab temir yo‘l qurish loyihalarini amalga oshirish masalalarini muhokama qilish uchun qo‘shma muzokaralar o‘tkazish to‘g‘risida kelishib olgandi.
Mavzuga doir:
Izoh (0)