Angliyalik hujumchi Markus Reshford o‘z kelajagiga oid qat’iy qaror qabul qildi. Ispaniyaning El Nacional nashri xabariga ko‘ra, futbolchi o‘z agentlariga faqat bir narsani istayotganini aytgan – “Manchester Yunayted”ni tark etib, “Barselona” safiga qo‘shilish.
Reshfordning transfer huquqi “qizil iblislar”ga tegishli bo‘lsa-da, o‘tgan mavsumni u ijara asosida “Aston Villa” safida o‘tkazdi.
Avvalroq xabar berilishicha, “Barselona” ingliz futbolchisining istagini ijobiy qabul qilgan, biroq klub hozircha hujum chizig‘ini kuchaytirish uchun “Liverpul” futbolchisi Luis Diasni asosiy nomzod sifatida ko‘rib chiqmoqda. Agar bu transfer o‘xshamasa, Markus bilan muzokara o‘tkazadi.
Shunga qaramay, Reshfordning o‘zi “Barselona” qarorini iyun oyining oxirigacha kutishga tayyor. Shu bilan birga, 27 yoshli hujumchiga “Chelsi”, “Arsenal”, “Aston Villa”, shuningdek, Italiya grandlari — “Inter” va “Milan” kabi klublar ham qiziqish bildirmoqda.
Markus Reshford hozirda “Manchester Yunayted”da yiliga 10 million yevro maosh oladi, biroq u Ispaniya grandi safiga o‘tish uchun maoshini kamaytirishga tayyor. Aytishlaricha, “Yunayted” o‘z tarbiyalanuvchisi uchun 40 million funt sterling (47,2 million yevro) talab qilmoqda.
Izoh (0)