Futbol bo‘yicha Chempionlar Ligasi, Yevropa Ligasi va Konferensiyalar Ligasida haftaning eng yaxshilari aniqlandi.
“Benfika” futbolchisi Fredrik Eursnes YCHLda haftaning eng yaxshi futbolchisi deb topildi. Futbolchining “Bryugge”ga qarshi bahsda uzatmalar aniqligi 72% ni tashkil etgan.
Eursnesdan tashqari Rafael Leau (“Milan”), Kingsli Koman (“Bavariya”) va Karim Adyemi (“Borussiya D”) kabi futbolchilar ushbu sovringa da’vogarlik qilgandi.
Yevropa Ligasida esa “Manchester Yunayted” hujumchisi Markus Reshford haftaning eng yaxshisi nomiga sazovor bo‘ldi. Angliyalik futbolchi “Barselona”ga qarshi bahsda bitta golni o‘z hisobiga yozdirib qo‘ydi.
Haftaning eng yaxshi futbolchisi bo‘lish uchun Reshford bilan birgalikda Aksel Disasi (“Monako”), Lukas Okampos (“Sevilya”) hamda Dmitro Kriskiv (“Shaxtyor”) kabi futbolchilarning nomzodi qo‘yilgan edi.
Konferensiyalar Ligasida “AEK” a’zosi Anxel Garsiya haftaning eng yaxshisi deb topildi. Garsiyadan tashqari Luka Yovich (“Fiorentina”), Trezege (“Trabzonspor”) va Marko Yankovich (“Qorabog‘”) kabi futbolchilar sovrin uchun kurash olib borgandi.
Izoh (0)