“Liverpul” futbolchisi Luis Dias yozgi transfer oynasida jamoasini almashtirishi mumkin. Kolumbiyalik futbolchiga Ispaniyaning “Barselona” klubi hamda Saudiya Arabistonining “An-Nassr” jamoasi jiddiy qiziqish bildirmoqda.
Mashhur insayder Fabrisio Romanoning xabariga ko‘ra, “Liverpul” futbolchini 40–45 million yevro atrofidagi summa evaziga qo‘yib yubormoqchi emas. Avvalroq xaridor jamoalar Diasni shu narxda sotib olish mumkinligi haqida mish-mishlar tarqalgan edi, ammo mersisaydliklar faqat yirik taklif bo‘lsa, muzokaraga kirishishga tayyor.
“An-Nassr” yozgi transfer oynasida Luis Diasni qo‘lga kiritish uchun jiddiy harakat qilmoqda va yaqin kunlarda ingliz klubi bilan rasmiy muzokaralar boshlanishi kutilmoqda. Shu bilan birga, “Barselona” ham 28 yoshli futbolchini tarkibga qo‘shish niyatidan voz kechgani yo‘q. Biroq klubning moliyaviy muammolari bu transferni amalga oshirishni ancha murakkablashtiradi.
Transfermarkt portali Diasning bozor qiymatini 70 million yevro deb baholamoqda. Futbolchining o‘zi esa “Liverpul”da qolishni xohlayotgani va hozircha klubdan ketishga zarurat sezmayotgani ma’lum qilgan.
Ma’lumot uchun, kolumbiyalik hujumchi o‘tgan mavsum Angliya Premyer Ligasi doirasidagi 36 ta o‘yinda maydonga tushib, 13 ta gol va 5 ta assist muallifiga aylangan. Uning “Liverpul” bilan shartnomasi 2027-yil yozigacha amal qiladi.
Izoh (0)