Kataloniyaning “Barselona” klubi Niderlandiyaning “PSV” jamoasining xorvatiyalik tajribali futbolchisi Ivan Perishichni transfer qilishni rejalashtirmoqda. Bu haqda Bild nashriga tayanib Championat xabar berdi.
36 yoshli futbolchining “PSV” bilan tuzgan amaldagi shartnomasi 2025-yil 30-iyungacha amal qiladi. Hozircha tomonlar kelishuvni uzaytirish bo‘yicha rasmiy muzokaralarni boshlamagan. Agar yangi shartnoma imzolanmasa, Perishich kelasi yozda erkin agent sifatida “ko‘k-anorranglilar” safiga qo‘shilishi mumkin.
“Barselona”ning yangi bosh murabbiyi Hansi-Diter Flik Ivan Perishich bilan yaqindan tanish — ular birgalikda “Bavariya” safida faoliyat olib borgan. Germaniyalik mutaxassis futbolchining imkoniyatlarini yaxshi biladi va uni Lamin Yamal uchun tajribali o‘rinbosar sifatida ko‘rmoqda. Qayd etilishicha, Flik o‘tgan mavsumda ham Perishichni jamoaga taklif qilgan, biroq bu transfer noma’lum sabablarga ko‘ra amalga oshmagan.
Ma’lumot uchun, Ivan Perishich 2024-yil sentabr oyida “PSV” bilan shartnoma imzolagan edi. Joriy mavsumda u klub safida 39 uchrashuvda maydonga tushib, 16 ta gol va 11 ta golli uzatmaga mualliflik qilgan. Transfermarkt portali futbolchining transfer narxini 1,5 million yevroga baholamoqda.
Izoh (0)