Fransiya janubi-sharqidagi Gult qishlog‘ida 27 yoshli kelin o‘z to‘yida o‘ldirib ketildi. Bu haqda The Sun xabar berdi.
Ma’lum qilinishicha, 22-iyun kuni qurollangan shaxslar to‘yda hujum qilgan. Ulardan biri ham voqea paytida halok bo‘lgan. Tergovga yaqin manba hujum giyohvand moddalar bilan bog‘liq hisob-kitoblar sababli yuz berganini aytmoqda.
Ertalab soat 4:30 atrofida kelin-kuyov ziyofatni tark etayotganida niqobli shaxslar hujumiga uchragan. Oqibatda 25 yoshli kuyov va 13 yoshli o‘smir jiddiy jarohat olgan.
Prokurorning ta’kidlashicha, hujum qilganlar bir nechta qurolga ega bo‘lgan. Hodisadan so‘ng ular piyoda qochib ketgan. Fransiya hukumati giyohvand moddalar va u bilan bog‘liq jinoyatlarga qarshi kurashni kuchaytirishga va’da bergan.
2022-yil holatiga ko‘ra, Gult qishlog‘ida 1000 dan ortiq aholi istiqomat qiladi. Bu qishloq Fransiyaning janubi-sharqida, so‘nggi yillarda giyohvandlik bilan bog‘liq qotilliklar ko‘paygan Marseldan, taxminan, 80 km shimolda joylashgan.
Izoh (0)