“Inter Mayami” va Argentina terma jamoasi hujumchisi Lionel Messi portugaliyalik futbolchi Krishtianu Ronaldu bilan o‘rtadagi tarixiy raqobati haqida fikr bildirdi. Bu haqda jurnalist Fabrisio Romano xabar berdi.
Argentinalik yulduz raqibi Ronaldu haqida shunday deydi:
“Men Krishtianu Ronalduni juda hurmat qilaman va uning harakatlariga qoyil qolaman. U avvallari qanday darajada o‘ynagan bo‘lsa, hozir ham yuqori saviyada o‘yin namoyish qilmoqda.
Maydonda biz har doim jamoamiz uchun bor kuchimizni berishga intilganmiz. Bu raqobat faqatgina maydon bilan cheklangan. Uning tashqarisida biz oddiy insonlarmiz. Ha, biz do‘st emasmiz — birga vaqt o‘tkazmaymiz, ammo har doim bir-birimizga hurmat bilan qaraganmiz,” — dedi Messi.
Messi va Ronaldu yillar davomida “Barselona” va “Real Madrid” safida La Ligadagi ko‘plab tarixiy to‘qnashuvlarda ishtirok etgan. Ularning qarama-qarshiligi futbol tarixidagi eng mashhur duel sifatida e’tirof etiladi.
Ma’lumot uchun, Leo Messi yetakchiligidagi “Inter Mayami” Klublar o‘rtasidagi Jahon chempionati ikkinchi turida “Portu”ni mag‘lub etdi. G‘alaba golini aynan Messi kiritdi.
Izoh (0)